Қазіргі жаһандық үдерістегі ақпараттық-психологиялық қауіпсіздік және бұқаралық мәдениет

Аңдатпа

Бүгінгі таңда әлемдік қауымдастықты алаңдатып отырған жаһандық  мәселелер аз емес. Экологиялық, әлеуметтік, экономикалық, террористік, ұлтаралық қылмыстармен күресуге барлық өркениеттенген адамзат тартылуы тиіс. Осылардың ішінде мемлекеттің ұлттық және ақпараттық қауіпсіздігін бұзуы мүмкін қауіп-қатерге аса назар аудару қажет. Жаһандану және ақпараттық технологиялардың кең таралған жағдайында аталған мәселені талдау қажеттілігі аса өзекті. Жаһандану салдарының бірі бұқаралық мәдениеттің қалыптасуы мен дамуы, оның өнімдерін пайдалану болып табылады. Бұл үдерісті біржақты бағалауға болмайды, бірақ зерттеушілердің басым бөлігі оның адамның руханилығына қауіп-қатер төндіретін, тұтастай адамзат мәдениетінің «дегумандануына» алып келетін теріс салдарларына баса назар аударып келеді. Қазіргі жағдайда компьютерлену мен ақпараттық технологиялардың таралуының адам психикасы мен жан дүниесіне теріс әсер ету қаупі бар. Бұл мақалада осы мәселелер талданған.