Тарихи оқиғалардың Батыс Қазақстан облысының топонимикасында көрініс табуы (Теректі, Бөрлі, Бәйтерек аудандарының материалдары негізінде)

Аңдатпа

Мақалада Орал өңірінің тарихи даму кезеңдері топонимикалық мәліметтер негізінде қарастырылап отыр. Жұмыс Л.Н. Гумилев атындағы Еуразия ұлттық универсиеті мен Жәңгірхан атындағы Батыс Қазақстан аграрлық-техникалық университеттерінің бірлесіп орындаған «Батыс Қазақстан облысының кейбір аудандарының тарихи топонимикасын зерттеу» ғылыми жобасы аясында дайындалды. Авторлық ұжым 2019 жылы Батыс Қазақстан облысының Бөрлі, Теректі және Бәйтерек аудандарының тарихи топонимикасы бойынша зерттеу жұмыстарын жүргізді. Жергілікті жердің топонимикасы – қоршаған орта туралы білім мен экономикалық өмір салты тоғысуы нәтижесінде қаралатын қарапайым география. Аудандардың топонимикасын тарихи және этнографиялық зерттеулермен ұштастыра отырып зерттеу, өткен дәуірлердің көптеген оқиғаларын түсінуге мүмкіндік береді. Жұмысты жазу барысында 2019 жылы авторлардың аталған аудандарда жүргізген далалық зерттеулері, өткен жылдардың жарияланған материалдары, революцияға дейінгі кезеңнің жазба деректері, ауызша тарих материалдары пайдаланылды.