Құрметті әріптестер! Сіздерді арнайы басылымда ғылыми ізденістеріңізбен бөлісуге шақырамыз “Мемлекет және оның азаматтары: посткеңестік кеңістіктегі халықты, ресурстарды және жерді басқару”
Бұрындары өтпелі экономика жағдайындағы елдер болып саналатын посткеңестік мемлекеттер таңқаларлық тұрақтылықты көрсете алды. Олар ұлттық мемлекеттерге айналып қана қоймай әлемдік қауымдастықтың белсенді мүшелері ретінде үлкен жетістіктерге қол жеткізді. Сонымен қатар, олар кеңестік кезеңде қалыптасқан тәсілдер мен тәжірибелерді де сақтап қала алды. Бұл арнайы шығарылымда осы мемлекеттердің өтпелі кезеңі жайында сөз қозғалады, зерттеулерде ол елдердің қоғамын сабақтастық пен өзгерістердің жиынтығы ретінде ғана қарамай, керісінше әлеуметтік және саяси гибридтіліктің мүмкіндіктерін қазіргі әлемді анықтайтын өмірдің негізгі формасы ретінде қарастыруды ұсынамыз. Шығарылымдағы негізгі тақырып мемлекет пен оның азаматтары арасындағы өзара қарым-қатынас мәселесі болып табылады. Нақтырақ айтар болсақ, біз Сізді мемлекет пен қоғамның постоталитарлық және постядролық әлемдегі көпқырлы өмірді қалайша реттейтінін талқылауға шақырамыз. Бүгінгі өміріміз технологияның дамуына, модернизацияға, экономикалық өсімге және климаттық өзгерістерге тәуелді болып отыр. Біз көрсетілген мәселені әлеуметтік, саяси және экономикалық өмір аясында қарастыратын, аталған салаларды неолиберализм дәуіріндегі билік, демокартизация, жергілікті халық өмірі, өнер, білім мен ғылым арқылы талдайтын авторлардың мақалаларын жариялаймыз. Біз «әлеуметтік және саяси формалардың гибридтенуі жергілікті өкілдер мен мемлекет тарапынан қалай және қандай мақсатта концептіленеді және іске асырылады?» деген сұраққа жауаптар іздейміз. Осы арнайы шығарылымға үлес қосқысы келетін ғалымдарды антропология, тарих, саяси ғылымдар және өзге де салалар талқылауларындағы қоғам мәселелерін әлеуметтік және саяси өмір тұрғысынан этнографиялық көзқараста жауап беруге шақырамыз.
Қызығушылық танытқан зерттеушілер мен жас ғалымдар 2024 жылдың 30 маусымына дейін 250-300 сөзден тұратын мақала абстрактілерін қазақ, орыс немесе ағылшын тілдерінде Диана Момбаеваның infoenu2025@gmail.com электрондық поштасына жіберулеріңізге болады. Келіп түскен абстрактілер 2024 жылдың 30 шілдесіне дейін арнайы шығарылымның шақырылған редакторы Калгари университетінің қауымдастырылған профессоры (Калгари, Канада) PhD. Есенова Сәулеш және редакциялық алқа мүшелерінің қатысуымен таңдалады. Журналдың ережелері мен талаптарына сәйкес рәсімделген мақаланың толық мәтіні 2024 жылдың 30 қазанына дейін журналдың веб сайтына https://bulhistphaa.enu.kz/index.php/main тіркелуі керек. Таңдалып алынған 15 мақала «Л.Н. Гумилев атындағы Еуразия Үлттық университеті хабаршысы» журналының Тарих ғылымдары. Философия. Дінтану сериясында 2025 жылдың қаңтар айында жарық көреді. Мақаланы рәсімдеу және төлем жөніндегі ақпараттарды журналдың ресми сайтынан ала аласыздар https://bulhistphaa.enu.kz/index.php/main
Барлық сұрақтар бойынша infoenu2025@gmail.com поштасына хабарласуыңызға болады.
Толығырақ оқу Құрметті әріптестер! Сіздерді арнайы басылымда ғылыми ізденістеріңізбен бөлісуге шақырамыз “Мемлекет және оның азаматтары: посткеңестік кеңістіктегі халықты, ресурстарды және жерді басқару”
